На 3 март – Светскиот ден на дивиот свет, Делегацијата на Европска Унија објавува повик за избор на Најзелена општина. Повикот е отворен за сите општини и нуди можност да се презентираат локалните активности спроведени во текот на 2021 година, а кои придонеле до заштита на животната средина.
Повикот за избор на Најзелена општина е следен чекор во контекст на #ЕУсоТЕБЕ кампањата посветена на Европскиот Зелен договор која започна во ноември 2021. Целта е да се промовираат позитивните примери на општините во справувањето со отпадот кои довеле до системски промени кон подобро и постигнале долгорочни резултати.
Повикот ќе биде отворен од 4 март до 4 април и секој градоначалник ќе добие лична покана за учество. Врз основа на поднесените апликации ќе бидат избрани 5 општини меѓу кои ќе биде избрана Најзелената врз основа на теренска посета.
Наградата за Најзелена општина ќе биде доделена од страна на Амбасадорот 
Дејвид Гир на 5 јуни 2022 – Светскиот ден на животната средина.
Дејвид Гир на 5 јуни 2022 – Светскиот ден на животната средина.Затоа што немаме резервна планета!