Rromir Imami është fotograf profesionist i njohur si mjeshtër i portretit dhe specialist i komunikimit digjital.
Pas përfundimit të studimeve për filologji vendos të ndjek pasionin e madh për fotografinë edhe në aspekt akademik. Ka përfunduar studimet Master në Universitetin e Zvicrës Italiane për Komunikimin digjital të trashëgimisë kulturore dhe më pas një specializim në Insitutin e Fotografisë në Nju Jork , për portrete.
Ka qenë bashkëpunëtor shkencor në Universitetin e Bernit dhe në Universitetin e Fribourgut si pjesë e projektit të digjitalizimit të dorëshkrimeve mesjetare.
Karrierën e tij e zhvillon kryesisht në Zvicër ku ka hapur studion e tij profesionale dhe drejton Qendrën për Kulturë NOMART (North Macedonian Art) me seli në Bern, me synim parësor, promovimin e artit dhe kulturës së Maqedonisë së Veriut në Zvicër.
Ka realizuar një numër të madh të ekspozitave të fotografisë artistike përmes të cilave gjithmonë dërgon mesazhe sociale.